TristonJ

Hierdie is post 100 op my WordPress blog…

Ek het gedink ek wou met die geleentheid terug kyk op hoe my lewe gevorder het, hoe my pad deur die 100 posts gestap is…

Maar ek kan nie, ek dink nie daar is iets, buiten my seun, om oor te se ek is waarlik happy in my lewe nie.

Ek is nou single en nee dis nie vir my lekker nie. Ek het gedink dit gaan intresant wees om te sien hoe dit werk, aangesien ek nog nooit lank single was nie… ek verpes dit, ek is nie gemaak vir alleen wees, ek wil my dag met iemand deel, my blydskap, my kwaat en my als. Ek wil iemand se dag met hulle deel, ek wil hoor van die goeie en slegte stories wat deur die dag gebeur het… ek wil op n bank met iemand op krul en n lekker fliek kyk, ek wil by n vuur sit en praat oor als en niks.

Ek doen werk wat ek waarlik LOVE maar ek is oor werk, ek voel uit gebrand, as ek in die huis in stap wil ek net gaan sit en grens van moegheid! Maar ek kan nie, ek plak n smile op my gesig en spandeer so veel tyd moontlik met Triston en tog voel ek of ek so vrek baie van hom mis.

Ek het n kar, maar die is al vir 5 maande stukkend en as gevolg van dit is ek so totaal en al afhanklik van ander mense se goedheid om van punt A tot punt B te kom, gelukig met die bus staakery kan ek op DM staat maak om by die huis te kom anders kon ek nie eers dit doen nie. Ek is n gevangene in my huis. Al hoe ek kan uit kom is met vriende wat my kom haal of as ek my ma se kar kan leen… ek voel of ek mense net gebruik en is so bang dat hulle dit so gaan sien.

And the best for last… my exman het my vandag laat weet dat hy weer sy werk verloor het… dus my kar bly stukkend, ek bly afhanklik van ander mense se goedheid, ek dra nogsteeds skuld wat ek nie alleen gemaak het nie, en wat ek nie naastenby kan bekostig nie… en die ergste is dat ek nie my kind die beste kan gee wat hom toekom!

Ek wil kwaat wees… ek wil vloek en skel en skree, maar ek het nie meer die krag nie. Al wat ek voel is moedeloos…  

Liewe Almal

Dankie aan julle almal wat epos aan my gestuur het die afgelope jaar…..

Ek moet die een wat my daai ding oor die rottekak op die gom van koeverte gestuur het, bedank aangesien ek nou ‘n nat lappie gebruik om elke koevert nat te maak en dan toe te plak.

Ek vryf nou ook die bokant van elke blik deeglik blink voor ek dit oopmaak, om dieselfde rede.

Ek het nie meer enige spaargeld oor nie want ek het dit vir ‘n siek meisie (Pennie Ferreira) gegee; wat nou al vir die 1 345 keer op sterwe in die hospitaal lê.

Ek het nie meer geld nie, maar dit gaan alles verander as ek daai R20 000 kry wat Bill Gates/Microsoft my gaan stuur omdat ek aan hulle epos veldtog deelgeneem het …

of as daardie Nigeriese bankbestuurder wat skatryk geërf het daai R7 miljoen met my gaan deel sodra hy die geld kan kry om die fondse vry te stel.

Verder is ek nie meer bekommerd oor my sieleheil nie want ek het 200 472 engeltjies wat my oppas en moeder Maria gaan al my wense waar maak.

Ek gebruik nie meer kankerwekkende reukweerders nie al ruik ek soos ‘n vlakvark in ‘n moddergat op ‘n warm dag.

Danksy julle,

Het ek geleer dat my gebede slegs verhoor word as ek ‘n epos aan sewe van my vriende stuur en binne vyf minute ‘n wens, wens.

As gevolg van julle besorgdheid drink ek nie meer Coca-Cola nie omdat dit toiletvlekke kan verwyder en ontplof as jy dit met mentos meng.

Ek gaan ook nie meer vulstasie toe sonder om iemand saam te neem om seker te maak dat ‘n reeksmoordenaar nie agter in my agtersitplek inkruip terwyl ek nie kyk nie.

Ek antwoord ook nie meer my telefoon nie want ek is bang iemand gaan my vra om ‘n nommer te bel wat my sal deurskakel na Jamaika, Uganda, Singapoer of Uzbekistan.

Danksy julle gebruik ek ook niemand se toilet behalwe my eie nie want daar kan ‘n groot uitheemse spinnekop daar skuil wat my vleis kan laat verrot en my ‘n pynlike dood laat sterf as dit my byt.

As julle nie die epos aan ten minste 144 000 mense binne die volgende 70 minute aanstuur nie, sal ‘n groot duif met diarree op jou kop beland teen 5 uur vanmiddag en die vlooie van 12 brandsiekbrakke sal jou besmet en veroorsaak dat jy ‘n harige boggel op jou rug kry.

Ek weet dit sal gebeur want dit het inderwaarheid met ‘n vriend van my buurman se vorige skoonma se tweede man se niggie se haarkapper gebeur!

En terloops…’n Suid-Amerikaanse wetenskaplike het tydens ‘n uitvoerige studie bevind dat mense met ‘n lae IK en wat baie ongereeld seks het, lees altyd hulle epos met hulle hande op die muis.

Moenie moeite doen om dit nou af te haal nie, dis te laat!!!
 
Groete
 
Ekke